Emva kokukhululwa kwakhe kwisiqithi iRobben Island, uNelson Mandela, nanjengoMongameli waseMzantsi Afrika wokuqala owonyulwe ngentando yesininzi, uzuze inani eliphawulekayo lezipho zivela kuluntu lwaseMzantsi Afrika nakolwamazwe aPhesheya bemncoma bekwambalula ngendima ayidlalileyo kumzabalazo woxolo, inkululeko nedemokrasi eMzantsi Afrika nakwilizwe lonke.

Esamkela ezi zipho uchaze ukuba konke oko ukwenze ngenxa yabantu bonke baseMzantsi Afrika wanabisa umnqweno wokuba lo msebenzi ube kumboniso ze kuxhamle kwaye ibe ngumbulelo kwisizwe, uboniswe kwilali okanye ngakwilali yakowabo iQunu eMpuma Koloni.

Kananjalo iBhunga inomboniso wocweyo lwezipho eziziintlobo ngeentlobo ezivela kumazwe aphesheya, nezathi zamkelwa nguMadiba ngethuba lokongamela kwakhe eli lizwe.

Apha eQunu, kulapho igatya lomfana uRolihlahla lafumana igama elitsha elinguNelson, eli gama laba lelomphehlelelo nanjengoko oko kwakusisithethe kwizikolo ezazilawulwa ngabefundisi baseNtshona nawathi wafunda kuso.

Kwincwadi yakhe ethi “iNdlela eNde eya eNkulukweni” , uMadiba ubalisa ukuba iQunu kulapho wayetshila khona ngamathuba olonwabo esebutsheni bakhe.

Namhlanje iQunu yilali enesimo esitsha ikwadlamkile apho kubunjwa khona iziko loLutsha neleLifa.

Iintshukumo ezicwangciselwe eli ziko zibandakanya iinkqubo zolutsha neziqalelo zophuhliso lwezokhenketho.