Ngo1940 UNelson Mandela wagxothwa kwaNokholeji (iYunivesithi yaseFort Hare) ngenxa yokubandakanyeka kwakhe kumzabalazo wabafundi. Ngo 1444 UMandela wabaluncedo ekuqulunqweni kombutho kaKhongolose wolutsha iAfrican National Congress Youth League.

IBhunga ingacazululwa njengekansile okanye indawo yebhunga. Iyeyelane namagama anjengala: Liqoqo, Lekgotla, Imbizo, Indibano, Ingxoxo nj-njl.

Sihlalo seKansile yesiDlangalala yeButho leMimmandla yaseTranskei (United Transkei Territory General Council) Sihlalo seNdibano yoMthetho waseTranskei(Transkei Legislative Assembly) Sihlalo sePalamente yobuRhulumente baseTranskei ( Republic of Transkei Parliament)

Ikhe yathwala ulawulo lweposi kunye nengxowa yaseTranskei( Transkei Postmaster General kunye neTranskei Treasury).

Kutshanje ngethuba lotshintsho loburhulumente bolawulo lwangaPhakathi ikhe yathwala uMasipala wesiThili saseNciba obesandulela umasipala olawula lo mmandla ngoku oyiKing Sabata Dalindyebo Local Municipality.

IBhunga iqalise ukusebenza njengeziko likavimba wembali kususela ngomhla we 11 kuFebruwari 2000 ekuthe emva koko buphuthu-phuthu kwalandela uvuselelo lwayo.

Ngama40 eepesenti esi sakhiwo asetyenziselwa imiboniso, iinkonzo zokulungiselela iindwendwe, iinkqubo zesidlangalala, uvimba wengqokelela nolawulo lweli ziko.

Intsalela yama60 eepesenti ilindele ukuba isetyenziswe kuphuculo lwesi sakhiwo oluza kuqhutywa kungentsuku zatywala

Imbali ebaliswa nguNelson Mandela ngokwakhe   Oku kubalula ucweyo olwenziweyo kwizipho, ukunikezelwa kwentlonipho neembasa nto ezo zathi zamkelwa nguMnu Nelson Mandela, nezazinikelwe kuye ngabantu abohlukeneyo, izizwe, amaqela namaziko akulo lonke ilizwe.

Zivela ibali lokwenyani likaMadiba elibalisa ngokwakhe kanye ngethuba lobuntwana, lobutsha nelalingqamene naye. Nikwa umdla yintlaninge neentlobo zabantu abachukumiseke sisimo aphile kuso uMnu Nelson R Mandela Ukuxananaza nokubunjwa kwendlela abalulwe ngayo Ukuthabatheka kwabantwana zizinto ngezinto zalo mboniso Ukuhlangana nabantu abohlukeneyo ngaphakathi, kwizwelonke nabamazwe aphesheya

Abasebenzi bethu abaqeqeshiweyo bancedisa apho kukho imfuneko ngokukujikelezisa kweli ziko, bekuchazela banzi ngamafutshane ngemvelaphi ebalulekileyo ngale ngingqi kwanangeendawo ezinika umtsalane kubakhenkethi ezingqonge esi sakhiwo.

UMnu Nelson Mandela ngokwakhe (ngokungathandabuzekiyo) USekela-Mongameli uMnu JG Zuma Abaphathiswa-abakudala nabangoku Iinkokheli zakwaNtu Unjing Ali Mazrui Unjing Ngugi wa Thingo Unjing Kole Omotoso Ohloniphekileyo uNozaku zaku waseMelika uMnu Cameron Hume Unozaku-zaku Tonishori Shigeie waseJapani Ukhomishina omkhulu waseTanzania Abameli abangama28 abafundi abasuka kumazwe aseAfrika ali17 Abameli abasuka kwiziko likavimba wembali yesizwe saseKenya Oosomashishini beBusiness Trust Fun Run jikelele eMzantsi Afrika Ababekhona ngethuba kusenziwa isikhumbuzo sokugqiba iminyaka engama90 kweNative Land Act eyahlutha imihlaba kubantu abamnyama baseAfrika (ibonakala kakuhle kweli ziko) Imiboniso eyahlukeneyo Ikomishini i-American Fullbright yaseMelika Ababhali abakukhenketho bamazwe aphesheya, amasebe eendaba amazwe aphesheya kunye namaziko osasazo lukamabonwakude(TV)

Ngokungathandabuzekiyo, asinokukulibala ukuba abantwana bayintandane kuMadiba , xa betyelela eli ziko basoloko bethabatheka bevuyiswa kukuva imbali kaMadiba, izipho ezisuka kumazwe jikelele bethabatheka ngakumbi yimifanekiso yakhe.

Nangona ukhenketho nemiboniso zizezona nto zibonakala kuwo onke amaziko anovimba wembali, uluntu oluhlala kufutshane neli ziko luyibona ngenye indlela-lubona kuphuhla inkqubo engapheliyo, enoqoqosho, inkcubeko, imfundo kwanokuvuleleka kwamanye amathuba.