Ukhenketho lweli ziko likavimba wembali eliyiNelson Mandela Museum luqala kwisakhiwo iBhunga apho uyakufumanisa kukho incwadi kaNelson Mandela ethi ‘Indlela eNde eya eNkululekweni’ ebhalwe nguye uqobo ikumboniso, nengqokelela yezipho azifumanayo eluntwini nakuburhulumente kwihlabathi lonke.
Kude kufuphi nesakhiwo iBhunga, sisiza esiseQunu, apho akhulele khona ngethuba lobuntwana bakhe, icawa apho waphehlelelwa khona wathiywa igama elithi Nelson, iLitye Lokutshitshiliza apho wayethanda ukudlala khona eseyinkwenkwana nemilambo kwanamadlelo apho wayekonwabele ukwalusa umhlambi weegusha neenkomo zikayise.
Ukhenketho luyaqhubekeka lufikelele nakwindawo ezolisa umphefumlo ngefuthe womoya ozolileyo ndawo leyo iyiMvezo, uzalelwe kule ndawo kwaye inkaba yakhe yombelwe apha. Kukwakho neziko elivulelekileyo likavimba wembali apho uthana mandla nembali ngendlela avumbuluke ngayo uMadiba kumzabalazo. Yindawo nje enika umdla ebekekayo xa uyibuka ngenxa yomlambo iMbhashe owahlule ikhaya likaMandela kwikhaya likaMongameli Thabo Mbeki.
"INdlela eNde eya eNkululekweni" ekumboniso kweli ziko ayibalisa ngokwakhe, ikrobisa ubani kwizinto ezamnika umdla zaphuhlisa ubomi bobuntwana bakhe, zamenza iqhawe lenkululeko de abe ngummeli weli lizwe kumazwe aphesheya.
Abafundi abasuka kwilizwe lonke jikelele bazile nabo ukuza kungqina bafunde ngeli qhawe lelizwe, uyise wesizwe, de benza izifundo zophando ngaye. Iinkqubo zemfundo ezininzi zithatyathiwe kweli ziko.
FOR = Abakhenkethi bamazwe aphesheya DOM = Abakhenkethi bamazwe angaphakathi LOC = Abakhenkethi beli lizwe LEA = Abafundi
Nokuzola Tetani/ Tembakazi Mvitshane Tel: +27 (0) 47 532 5110 Fax: +27 (0) 47 532 3345 Email: tours@nelsonmandelamuseum.org.za www.mandelamuseum.org.za
Wamkelekile Iindaba kunye neembizo Malunga neli ziko lembali
