UNelson Mandela singambalula njengenye yeenkokheli zala maxesha ethu ezindilisekileyo yezopolitiko: uliqhawe kumazwe onke nelithe ukunikezela kwalo ngempilo yalo yobomi balo yonke ekulweni ucalu-calulo ngokobuhlanga eMzantsi Afrika kwamphumelelisa imbasa yoxolo ekuthiwa yiNobel Peace Prize nokuba abenokulilawula ilizwe lakhe.

Kususela kuloyiso lokukhululwa kwakhe ngo1990, kwisithuba esingaphezulu kwekota yenkulungwane sokubanjwa, uMandela ubekumbindi woqhushululu olunyanzelisa nolukhuthaza umzabalazo wezopolitiko, ngeenjongo zokwakha isizwe saseMzantsi Afrika esikhululekileyo.

Njengenkokheli yombutho kaKhongolose, i-African National Congress, kwanentloko kwintshukumo yokulwa ucalu-calulo eMzantsi Afrika, ube sisixhobo sokukhokelela isizwe saseMzantsi Afrika kulawulo loburhulumente obumanyeneyo ngokweentlanga nakulawulo lwesininzi. Ubekekile kuzo zonke iindawo njengesixhobo esinamandla sokulwela amalungelo oluntu nolungelelwaniso ngokobuhlanga.

INelson Mandela National Museum (iziko elinguvimba weembali) ivule iingcango zayo ngomhla we 11 kuFebruwari 2000 kwaye ityelelwa ngamakhulu-khulu abemi boMzantsi Afrika nangabakhenkethi bamazwe ngamazwe minyaka le. Ijongwe njengenye yeendawo zamaziko aseMzantsi Afrika aphawuleka kakhulu ngokuqulatha uvimba womnombo.

Eli ziko lembali liqulathe umboniso wencwadi kaMandela ethi “Indlela eNde eya eNkululekweni” ncwadi leyo inika inkcazelo ebanzi nezeleyo ngobomi bakhe.